Tramp o‘z fikridan qaytyaptimi? AQSh Milliy gvardiyasi qo‘shinlari Portlend va Chikagodan chaqirib olinmoqda

AQSh Milliy gvardiyasi qo‘shinlari Portlend va Chikagodan chaqirib olinmoqda
Pentagon 16 noyabrdan boshlab AQSh Milliy gvardiyasining Chikago va Portlenddan ilgari joylashtirilgan yuzlab askarlarini chaqirib oladi.

Bu haqda AQSh rasmiylariga tayanib, The New York Times nashri xabar berdi.

Nashrning qayd etishicha, Kaliforniya Milliy gvardiyasining 200 ga yaqin askarlari Portlenddan va teng miqdordagi Texas Milliy gvardiyasi askarlari Chikagodan chaqirib olinmoqda. Ular o‘z vatanlariga qaytadilar.

Manbalarga ko‘ra, Pentagonning yuqori martabali amaldorlari yaqinlashib kelayotgan bayramlar arafasida, shuningdek, federal sudning Gvardiyaning operativ joylashtirilishini to‘xtatganligi sababli qo‘shinlarni chaqirib olishga qaror qilgan.

300 ga yaqin askar Chikago hududida qoladi.