Tramp o‘q o‘tkazmaydigan oyna ortida ommaviy chiqishlarni davom ettiradi

Respublikachilar partiyasidan prezidentlikka nomzod Donald Tramp saylovoldi chiqishlarini ochiq havoda, o‘q o‘tkazmaydigan oyna ortida turib davom ettirishi mumkin, deb xabar bermoqda ABC News manbalarga tayanib. Oq uyning sobiq rahbari yaqinda sodir etilgan suiqasd tufayli hozirda bunday chiqishlardan bosh tortgan.

Odatda, bunday xavfsizlik choralari faqat amaldagi davlat rahbarlariga nisbatan qo‘llaniladi, ammo bu safar Maxfiy xizmat istisno qilishga tayyor. Telekanal suhbatdoshlariga ko‘ra, Tramp saylovoldi tashviqoti mitinglarini ochiq havoda o‘tkazishga qaytish istagini bildirgan, biroq u hech narsa uning hayotiga tahdid solmasligiga ishonch hosil qilishni istaydi.