Tramp Ukrainaga Patriot raketalarini ishlab chiqarish uchun lisenziya berishga rozi bo‘ldi — Zelenskiy

Ukraina yaqin vaqt ichida o‘z hududida ilk bor Patriot havo mudofaa tizimlari uchun raketalar ishlab chiqarishni boshlashi mumkin. Ukraina prezidenti Vladimir Zelenskiyning aytishicha, AQSh prezidenti Donald Tramp Nyu-Yorkdagi BMT sammiti doirasida bunday imkoniyatga rozilik bergan.

Hozircha Vashington Ukrainaga raketalarni ishlab chiqarish uchun zarur lisenziyani rasman bergani yoki Tramp faqat prinsipial roziligini bildirgani aniq emas.

Tramp iyul oyi boshida AQSh Ukrainaga Patriot tizimlarini ishlab chiqarish huquqini berishini aytgan edi. Biroq keyinchalik u bu masalada ehtiyotkorroq bayonotlar bergan.