Tramp turk tovarlariga 15 foizlik tariflarni e’lon qildi

AQSh prezidenti Donald Tramp Turkiyadan olib kelinadigan tovarlarga 15 foizlik boj joriy etishni tasdiqladi.

Bu haqda Oq uy sayti xabar berdi.

AQSh tariflarni qo‘llagan davlatlar qatoriga Yaponiya, Indoneziya, Buyuk Britaniya, Afg‘oniston, Jazoir, Braziliya, Islandiya, Pokiston, Suriya, Isroil, Iroq, Qozog‘iston, Moldova, Norvegiya, Yangi Zelandiya, Serbiya, Shveysariya, Venesuela, Vyetnam, Hindiston va boshqa davlatlar kiradi.

Hujjatga ko‘ra, bazaviy stavka 10%, maksimal esa 41.

Shu bilan birga, Reuters AQShning yuqori martabali mulozimiga iqtibos keltirgan holda, agar AQSh biror davlat bilan savdo balansida profisitga ega bo‘lsa, unga nisbatan stavka 10 foizni, kamomad kam bo‘lgan mamlakatlar uchun boj stavkasi 15 foizni tashkil etishini aytdi.

Biroq, boshqa stavkalar Kanada, Braziliya va Hindistonni o‘z ichiga olgan ayrim mamlakatlar uchun amal qiladi. Shunday qilib, agar hujjatda Braziliya uchun 10% bojlar belgilangan bo‘lsa, bu shunchaki "o‘zaro stavka" deb ataladi.

"O‘zaro stavkalar [avval kiritilganlarga] qo‘shiladi. Ochig‘i, ular u yerda huquqiy va texnik sabablarga ko‘ra tilga olinadi, chunki IEEPA reglamentida (1977 yilda AQShda qabul qilingan Favqulodda iqtisodiy vakolatlar to‘g‘risidagi xalqaro qonun – tahr.) Braziliya uchun tariflar 40 foizni tashkil etgan edi, hozirgi stavka esa Braziliya uchun 10 foizga ko‘tarilgan - 50 foiz" - dedi rasmiy.