Tramp: "Rossiya va Ukraina kelasi hafta kelishuv tuzadi"

AQSh prezidenti Donald Tramp yaqin haftada Ukrainadagi urushni tugatish bo‘yicha kelishuvga erishilishiga umid bildirdi.

U bu haqda Truth Social ijtimoiy tarmog‘ida tegishli bayonotni joylashtirdi.

"Umid qilamanki, Rossiya va Ukraina shu hafta (AQShda kalendar haftasi yakshanba kuni boshlanadi) kelishuvga erishadi", — deb yozadi Amerika yetakchisi.

Bunday holda, uning ta’kidlashicha, har ikki tomon ham AQSh bilan “faol biznes yurita boshlaydi”, bu esa ularga “boylik orttirish” imkonini beradi.

Eslatib o‘tamiz, Rossiya prezidenti Vladimir Putin Bosh shtab boshlig‘i Valeriy Gerasimov bilan uchrashuvda o‘t ochishni to‘xtatish haqida e’lon qilgan edi. U 19 aprel soat 18:00 dan 21 aprel 00:00 gacha - jami 30 soat amal qildi.