Tramp Rossiya bilan hamkorlik qilgan davlatlarga qarshi sanksiyalar qo‘llash g‘oyasini qo‘llab-quvvatladi

AQSh prezidenti Donald Tramp Kongress a’zolari tomonidan qo‘llab-quvvatlanayotgan Rossiya bilan hamkorlik qilayotgan mamlakatlarga nisbatan sanksiyalar joriy etishni nazarda tutuvchi qonun loyihasini qo‘llab-quvvatlashini bildirdi.

Amerika yetakchisi bu haqda Florida shtatidan Vashingtonga jo‘nab ketishdan oldin jurnalistlarga ma’lum qildi.

Uning ta’kidlashicha, Eron ham shunday choralar ko‘rilgan davlatlar qatoriga kirishi mumkin.

"Men bu haqda eshitganman va bu menga ma’qul”, dedi Amerika yetakchisi jurnalistlarga bu boradagi savolga javob berar ekan. “Respublikachilar Rossiya bilan biznes yurituvchi har qanday davlatga nisbatan o‘ta qattiq sanksiyalar qo‘yadigan qonun loyihasini kiritmoqdalar va ular orasida Eron ham bo‘lishi mumkin”.