Tramp Putinning qarorgohiga hujum qilish urinishidan hayratda va g‘azabda

Putinning maslahatchisi Ushakovning so‘zlariga ko‘ra, Tramp Ukraina Qurolli Kuchlarining Putinning qarorgohiga hujum qilish urinishidan hayratda va g‘azabda bo‘lgan.

Yuriy Ushakov Rossiya va AQSh prezidentlarining bugungi telefon muloqotiga doir bayonotlar berdi:

- Putin Trampga Rossiyaning pozisiyasi Kiyev tomonidan amalga oshirilayotgan “davlat terrorizmi” sababli qayta ko‘rib chiqilishini aniq qilib bildirdi;

- Rossiya prezidentining davlat qarorgohiga hujum qilish uchun Kiyev uzoq masofali uchuvchisiz apparatlardan foydalangan;

- Tramp Ukraina Qurolli kuchlari Putinning qarorgohiga hujum qilishga uringanidan dahshatga tushgani va g‘azablanganini bildirdi. U, shuningdek, "Xudoga shukrki, Zelenskiyga Tomahawk raketalarini bermagandik", dedi;

- Tramp va uning maslahatchilari Putinni Zelenskiy bilan o‘tkazilgan muzokaralar yakunlari haqida xabardor qilgan;

- Putin Trampga Rossiya tinchlikka erishish yo‘lida AQSh bilan yaqin va samarali hamkorlik qilish niyatida ekanini aytdi;

- Rossiya prezidentining fikricha, Tramp va Zelenskiy erishgan ayrim kelishuvlar Ukrainaga o‘z majburiyatlarini chetlab o‘tish imkonini qoldirmoqda;

- Putinning davlat qarorgohiga dronlar hujumi AQSh va Ukraina o‘rtasidagi Mar-a-Lagodagi muzokaralar tugashi bilan sodir bo‘ldi;

- Putin joriy yilda AQSh vakillari bilan 17 marta muloqot qildi, jumladan prezident Donald Tramp bilan 10 ta suhbat o‘tkazdi;

- AQSh Ukrainaga frontda “nafas rostlash”ga urinish tavsiya etilmasligini bildirgan.