Tramp Oq uy yaqinida otishma sodir etgan shaxsning oilasini deportasiya qilish haqida o‘ylamoqda

AQSh prezidenti Donald Tramp uning ma’muriyati Oq uy yaqinida Milliy gvardiya patruliga qarata o‘t ochgan erkakning oila a’zolarini deportasiya qilish masalasini ko‘rib chiqayotganini ma’lum qildi.

Oq uy rahbari bu haqda harbiy xizmatchilar bilan videoselektor yig‘ilishida ma’lum qilgan.

Jurnalistlar u qurolli shaxsning Vashington shtatida yashovchi xotini va besh farzandini deportasiya qilishni rejalashtiryaptimi, deb so‘rashdi. "Xo‘sh, biz hozir buni ko‘rib chiqyapmiz. Biz oila atrofidagi butun vaziyatni ko‘rib chiqyapmiz. Bu fojiali holat", - dedi Tramp.