AQSh Prezidenti Donald Tramp kuzda amerikalik kompaniyalar rahbarlari bilan birga Xitoyga tashrif buyurishi mumkin. Bu haqda Bloomberg agentligi manbalarga tayanib xabar berdi, deb yozadi TASS.
Ma’lumotlarga ko‘ra, Amerika ma’muriyati vakillari ayrim kompaniyalar rahbarlariga murojaat qilib, 2025 yili Oq uy rahbarining Xitoyga ehtimoliy safarida uni kuzatishga qiziqishlari bor-yo‘qligini aniqlashga uringan.
Mumkin bo‘lgan sana sifatida oktyabr oyining oxiri tilga olinmoqda. Shu davrda Janubiy Koreyada Osiyo-Tinch okeani iqtisodiy hamkorlik sammiti va Malayziyada Janubi-Sharqiy Osiyo davlatlari uyushmasining oliy darajadagi uchrashuvi bo‘lib o‘tadi. AQSh prezidenti odatda ushbu ikki tadbirda ham qatnashadi.
Agentlikning eslatishicha, Tramp o‘zining birinchi xalqaro safarida – Fors ko‘rfazi davlatlariga qilgan tashrifi chog‘ida moliya, texnologiya va ishlab chiqarish sohalaridagi yetakchi kompaniyalar rahbarlarini hamroh qilgan. U o‘sha safarda energetika, sun’iy intellekt, chiplar, aerokosmik sanoat va boshqa sohalarni qamrab olgan milliardlab dollarlik yangi shartnomalar haqida e’lon qilgan va AQShning korporativ salohiyatini namoyon etgan.
Ushbu masala yuzasidan izoh so‘ralganda, AQSh ma’muriyati matbuot kotibi Kerolayn Livitt hozircha Trampning Xitoyga tashrifi rejalashtirilmaganini aytdi. Savdo vazirligi bu borada sharh berishdan bosh tortdi.
Ayollarning pensiya yoshi yana 6 oyga oshirildi
Eldor Shomurodovning yangi jamoasi ma’lum. U Italiyadan ketmoqda
Jahongir Ortiqxo‘jayev Antalyada 550 mln dollarlik loyiha boshlagani ma’lum qilinmoqda
