Tramp noqonuniy migrantlar uchun “ixtiyoriy deportasiya” dasturini ishga tushirmoqchi

AQSh prezidenti mamlakatda noqonuniy ravishda yashayotgan muhojirlar uchun yangi dastur boshlashni rejalashtirayotganini va ularga mamlakatni ixtiyoriy tark etishlari uchun pul taklif qilinishini ma’lum qildi.

Uning so‘zlariga ko‘ra, “o‘z ixtiyori bilan deportasiya” dasturi muhojirlarga kelajakda mamlakatga qonuniy asosda qayta kirish imkoniyatini ham taqdim etadi.

"Biz ularga ozroq pul va samolyot chiptasini beramiz, so‘ngra ular bilan ishlaymiz. Agar ular o‘zlarini yaxshi tutishsa va agar biz ularni qaytarishni xohlasak, ularni imkon qadar tezroq qaytarish ustida ishlaymiz", dedi Tramp Fox Noticias (Fox News'ning ispan tilidagi dasturi) boshlovchisiga bergan intervyusida.