Tramp ma’muriyati Suriyadagi "Oq kaskalilar” xayriya tashkiloti faoliyati uchun ajratilgan moliyaviy yordamning katta qismini bekor qildi

Bu haqda “Meduza” nashri xabar bermoqda.

AQSh Xalqaro taraqqiyot agentligi (USAID) tashkilotning yong‘inga qarshi va qidiruv-qutqaruv ishlari uchun moliyaviy qo‘llab-quvvatlashini to‘xtatgani ma’lum qildi.

Shu bilan birga, AQSh Davlat departamenti tomonidan 1,4 million dollar miqdoridagi moliyaviy yordam hanuz saqlanib qolmoqda.

“Oq kaskalilar” — Suriyadagi mojarolar qurbonlariga yordam ko‘rsatuvchi hayriya tashkiloti bo‘lib, 2013 yilda tashkil etilgan. Dastlab u hukumatga qarshi guruhlar nazoratidagi hududlarda faoliyat yuritgan. 2024 yil dekabrda Bashar Asad boshqaruvi qulaganidan so‘ng, tashkilot butun Suriya hududida ishlashni davom ettirmoqda. USAID esa tashkilotning eng yirik donorlaridan biri hisoblangan.