Tramp ma’muriyati Rossiya bilan yangi muzokaralarga tayyorgarlik ko‘rayotgan bir paytda Ukrainaga nisbatan bosimni kuchaytirdi — WSJ

Nashr e’lon qilgan maqolada aytilishicha, AQSh Rossiyaga nisbatan yangi sanksiyalar joriy etish masalasiga ehtiyotkor munosabatda bo‘lmoqda. Shu bilan birga, Vashington Ukrainaga diplomatik bosimni kuchaytirmoqda.

"Ruslarga iqtisodiy va harbiy bosimni kuchaytirish uchun vositalar mavjud, ammo biz ulardan foydalanmayapmiz" – dedi AQSh davlat kotibining Yevropa bo‘yicha sobiq yordamchisi Deniel Frid.

Nashr ma’lumotlariga ko‘ra, ma’muriyat vakillari aynan Ukraina ko‘proq diplomatik bosimni his qilayotganini tan olishmoqda. Tramp mojaroni diplomatik yo‘l bilan hal qilishga umid bildirib, Kiyev yangi qurollarga murojaat qilmasligiga ishonch bildirmoqda.