Tramp kelasi hafta Putin bilan shaxsan uchrashmoqchi — The New York Times

"Shundan so‘ng Tramp Putin va Zelenskiy ishtirokidagi qo‘shma uchrashuvni o‘tkazishni rejalashtirmoqda", deya yozadi nashr o‘z manbalariga tayanib.

The New York Times suhbatdoshlariga ko‘ra, AQSh prezidenti ushbu rejalari haqida chorshanba kuni Yevropa yetakchilari bilan telefon orqali suhbat chog‘ida ma’lum qilgan. Qayd etilishicha, o‘tkazilishi rejalashtirilayotgan muzokaralarda faqat uch kishi — Tramp, Putin va Zelenskiy ishtirok etadi, Yevropa davlatlari rahbarlari unda qatnashmaydi.