Tramp Eron bilan bog‘liq vaziyat yuzasidan bayonot berdi

AQSh prezidenti Donald Tramp Eron atrofidagi vaziyatga to‘xtalib, mamlakat hukumati 837 kishini osish orqali qatl etmoqchi bo‘lganini eslatib o‘tdi.

Trampning ta’kidlashicha, AQSh tomoni bunga qat’iy e’tiroz bildirib, mumkin bo‘lgan salbiy oqibatlar haqida ogohlantirganidan so‘ng, Eron ushbu rejadan voz kechgan. U bu qaror doimiy bo‘lishiga umid bildirdi.

Shuningdek, Tramp Eronda vaziyat hanuz og‘irligicha qolayotganini qayd etib, ko‘chalarda odamlarga o‘q uzish holatlari mavjudligini aytib o‘tdi.

Bundan tashqari, AQSh prezidenti agar Tehron o‘z yadro dasturini qayta tiklasa, Vashington bunga javoban keskin choralar ko‘rishini qo‘shimcha qildi.