Tramp avtomashinalar importiga 25 foizlik tariflarni e’lon qildi

Germaniya Yevropa Ittifoqini qat’iy javob berishga chaqirmoqda.

AQSh prezidenti 2 apreldan boshlab boshqa mamlakatlardan AQShga avtomobillar va ehtiyot qismlar importiga 25 foizlik bojlar joriy etilishini e’lon qildi.Germaniya siyosatchilari Yevropa Ittifoqini bunga qat’iy javob berishga chaqirmoqda .

Shunday qilib, Xristian Demokratik Ittifoqining tashqi siyosat bo‘yicha eksperti Armin Laschet ZDF nashriga bergan intervyusida Bryusselga samarali javob tariflari bilan tahdid qilish va shu bilan birga muzokaralarni taklif qilish kerakligi haqida fikr bildirdi. CDU tashqi siyosati bo‘yicha yana bir ekspert Norbert Ryottgen "eskalasiyaga hissa qo‘shmaydigan" "maqsadli va mo‘’tadil" qarshi choralar ko‘rishga chaqirdi.

Germaniya avtomobil sanoati (VDA) rahbari Xildegard Myuller AQShning kelajakdagi tariflarini "erkin va qoidalarga asoslangan savdo uchun halokatli signal" deb hisoblaydi. Bild nashriga bergan intervyusida u iste’molchilar, shu jumladan Shimoliy Amerikada ham salbiy oqibatlarga birinchi bo‘lib duch kelishini ta’kidladi.

Shu bilan birga, Kildagi Jahon iqtisodiyoti instituti (IfW) Trampning ushbu choralari natijasida Germaniya yalpi ichki mahsuloti qisqa muddatda atigi 0,18 foizga tushishi mumkinligini taxmin qilmoqda. Avtosanoat Germaniya uchun muhim, biroq ko‘plab nemis avtomobil ishlab chiqaruvchilari so‘nggi yillarda AQShda o‘z ishlab chiqarish quvvatlarini kengaytirdi, deydi ekspertlar.