"Polsha bundan mamnun bo‘lar edi. Bizning Polsha bilan aloqalarimiz juda yaxshi. Men ularning prezidenti bilan ham yaxshi munosabatdaman. Shuning uchun bu ehtimoldan holi emas", — dedi AQSh prezidenti jurnalistlarga.
Polsha prezidenti Karol Navroskiy 6 may kuni Polsha Germaniyadan chiqariladigan AQSh qo‘shinlarini qabul qilishga tayyorligini bildirgan. U hatto buni Trampdan shaxsan so‘rashini aytgan.
Polsha mudofaa vaziri Vladislav Kosinyak-Kamish ham 9 may kuni Trampning bayonotlarini olqishlagan.
"Polsha – AQSh ittifoqi xavfsizligimizning asosidir. Varshava NATO'ning sharqiy qanotini mustahkamlash va Yevropani yanada yaxshiroq himoya qilish uchun ko‘proq amerikalik askarlarni qabul qilishga tayyor", — deb yozgan u X ijtimoiy tarmog‘ida.
Ma’lumot uchun, shu oy boshida Pentagon Germaniyadagi harbiy bazalardan 5 ming nafar amerikalik askar olib chiqilishini tasdiqlagan edi. Bu qaror Qo‘shma Shtatlar prezidenti Donald Trampning Germaniya kansleri Fridrix Mers bilan Eron urushi masalasidagi bahsidan keyin aytgan tahdidini amalga oshirish sifatida baholangandi. Tramp keyinchalik Pentagon Germaniyadagi askarlarini 5 ming nafardan ham ko‘proq qisqartirishi mumkinligini bildirgandi.
Oltin konining qulashi oqibatida kamida 15 kishi halok bo‘ldi
Eron rasmiylari Ho‘rmuz bo‘g‘ozini nazorat qilish uchun yuzlab katerlardan iborat "chivinlar floti"dan foydalanmoqda
Germaniya aholisi Erondagi urush sababli shaxsiy avtomobillardan voz kechmoqda
