Tramp Antifa antifashistlar harakatini “terroristik tashkilot” deb e’lon qildi — CNN

AQSh prezidenti o‘zining Truth Social ijtimoiy tarmog‘ida amerikalik antifashistlar harakatini “radikal so‘l qanot ofati” deb atadi va uni “terroristik tashkilot” deb e’lon qildi. Tramp, shuningdek, Antifa'ni moliyalashtirayotgan shaxslar bo‘yicha tergov o‘tkazishni talab qildi.

Biroq Oq uy rahbarining bu bayonoti huquqiy kuchga egami yoki yo‘qmi hozircha noma’lum. Tramp ilgari ham, xususan, Black Lives Matter norozilik namoyishlari vaqtida, Antifa'ni “terroristik tashkilot” deb tan olishni taklif qilgan edi.

"Bu galgi bayonotga Donald Trampning tarafdori va konservativ faol Charli Kirkning o‘ldirilishi sabab bo‘ldi. AQSh prezidenti Kirkning o‘ldirilishiga bergan ilk munosabatlaridan birida uning o‘limida “radikal so‘l qanot”ni ayblagan edi.