Toshkentning 5 ta tumanida bugun tabiiy gaz yetkazib berish vaqtincha to‘xtatiladi

“Hududgaz poytaxt" axborot xizmatining xabar qilishicha, ta’mirlash ishlari tufayli Mirzo Ulug‘bek, Yangihayot, Chilonzor, Yunusobod va Bektemir tumanlarining quyidagi hududlariga 14 avgust kuni tabiiy gaz yetkazib berish vaqtincha to‘xtatiladi.

Mirzo Ulug‘bek tumani (soat 10:00 dan 18:00 gacha):

Oliy himmat ko‘chasidagi 15 ta yerli xonadon.

Yangihayot tumani (soat 10:00 dan 17:00 gacha):

“Xo‘ja Uchqun” MFY Yoshlar, G‘uncha, Hidoyat va Daryo ko‘chalaridagi 224 ta yerli xonadon.

Chilonzor tumani (soat 11:00 dan 16:00 gacha):

“Sharq tongi” MFYdagi 601 ta yerli xonadon, “Xonto‘pi” MFYdagi 524 ta yerli xonadon, “Xayrobod” MFYdagi 432 ta yerli xonadon.

Yunusobod tumani (soat 10:00 dan 17:00 gacha):

“Otchopar-1” MFYdagi 280 ta yerli xonadon va 2 ta ko‘p qavatli uydagi 80 ta xonadon, “Otchopar-2” MFYdagi 260 ta yerli xonadon va 2 ta ko‘p qavatli uydagi 80 ta xonadon.

Bektemir tumani (soat 09:00 dan 17:00 gacha):

“Ustozlar” MFY Nurli ko‘chasidagi 190 ta yerli xonadon.

Ta’mirlash ishlari tugatilgandan so‘ng, tabiiy gaz ta’minoti qayta tiklanadi.