Toshkentdagi uylarning birida yong‘in kelib chiqdi

Toshkent shahar, Yashnobod tumani, “Bunyodkor” MFY, Farg‘ona yo‘li ko‘chasida joylashgan uylarning birida yong‘in sodir bo‘ldi.

Bu haqdagi xabar 24 noyabr kuni soat 16:03 da Toshkent shahar FVBga kelib tushgan.

Shunga ko‘ra, yong‘in-qutqaruv ekipajlari soat 16:08 da voqea joyiga yetib borib, yong‘in soat 16:12 da qurshab olindi va soat 16:28 da yong‘in o‘chirildi.

Yong‘in sababi va zarar miqdori aniqlanmoqda. Hodisa oqibatida tan jarohati olgan va halok bo‘lganlar yo‘q.