Toshkentda ikki avtomobilda yong‘in sodir bo‘ldi

Yashnobod tumani, Sodiq Azimov ko‘chasida «Damas» va «Cobalt» rusumli avtomobillar bilan yong‘in sodir bo‘ldi. Bu haqda shahar FVB matbuot xizmati xabar berdi.

FVB ma’lumotiga ko‘ra, 6 may kuni soat 12:22 da Toshkent shahar Favqulodda vaziyatlar boshqarmasiga yong‘in haqida xabar kelib tushgan. Voqea joyiga yong‘in-qutqaruv brigadalari soat 12:28 da yetib borgan. Yong‘in soat 12:32 da to‘liq o‘chirilgan.

Hozirda yong‘in kelib chiqish sabablari va yetkazilgan moddiy zarar miqdori bo‘yicha surishtiruv ishlari olib borilmoqda.