Toshkent viloyatida qor ko‘chish xavfi e’lon qilindi

Toshkent viloyatining tog‘li hududlarida qor ko‘chkisi xavfi e’lon qilindi, deb xabar bermoqda O‘zgidromet.

Xususan, 5-7 noyabr kunlari havo haroratining keskin o‘zgarishi kutilayotgani ma’lum qilingan

Shu sababli Bo‘stonliq, Ohangaron va Parkent tumanlarining (Chotqol tizmasining tog‘lari) tog‘li hududlarida dengiz sathidan 2000 m balandlikda, qor ko‘chish xavfi e’lon qilinadi, — deyiladi xabarda.

Tog‘li xududlarda istiqomat qiluvchi fuqarolardan, dam oluvchilar hamda tog‘li xududlarda harakatlanuvchi haydovchilardan ehtiyotkorlik choralarini ko‘rishlari so‘raldi.