Viloyat hokimligiga ko‘ra, yangi universitet 8 ta ta’lim yo‘nalishiga ixtisoslashgan. Hozirgacha 4 ming 200 nafarga yaqin hujjatlar qabul qilingan bo‘lib, test natijalariga ko‘ra, 2 500 nafarga yaqin talabalar oliy ta’lim muassasasiga qabul qilindi.
Universitetda davolash ishi, maktabgacha va boshlang‘ich, pedagogika va psixologiya, milliy g‘oya, ma’naviyat asoslari va huquq ta’limi, moliya va moliyaviy texnologiyalar, iqtisodiyot, xorij tillari va adabiyoti kabi yo‘nalishlarda o‘qitiladi.
Keyingi o‘quv yiliga ta’lim yo‘nalishlari sonini ko‘paytirish va magistratura bosqichini yo‘lga qo‘yish rejalashtirilgan.
