«Tolibon» harakati ayollarga nafaqat erkaklar, balki boshqa ayollar bilan ham ochiq muloqot qilishni taqiqladi. Bu haqda mamlakat axloq-odob masalalariga mas’ul vazir Xolid Hanafiy ma’lum qildi.
Ayollar ovozlari boshqa ayollar tomonidan eshitilishi mumkin bo‘lgan vaziyatlardan qochishlari kerak. Shunga ko‘ra, "Tolibon" hatto boshqa ayollar ishtirokida Qur’onni ovoz chiqarib o‘qishni ham taqiqlagan.
"Tolibon" siyosati keskinlashishda davom etmoqda: Afg‘onistonda ayollarga ta’lim olish, sport bilan shug‘ullanish, erkak hamrohligisiz sayohat qilish, go‘zallik salonlari yoki ayollar boshpanalariga borish taqiqlangan. Sentyabr oyida "Tolibon" 114 sahifa va 35 moddadan iborat bo‘lgan fazilat va yomonliklarga oid yangi qonunlarni e’lon qildi. Bu me’yorlar ayollarning omma oldida qo‘shiq kuylashi va o‘qishini cheklab, buni ularning ovozi samimiy qabul qilinganligi bilan asoslab beradi. Shuningdek, ayollar yopiq kiyim kiyishlari va «vasvasaga» tushmaslik uchun begonalar bilan ko‘z urishtirmasliklari kerak.
