Tibetdagi zilzila qurbonlari soni 100 nafardan oshdi

Bu haqda Xitoy geologiya xizmatlariga tayanib, Al Jazeera telekanali xabar berdi.

Ma’lum bo‘lishicha, zilzila Shigatze shahrida ro‘y bergan. Uning ta’siri Nepalda ham sezilgan.

Xitoy zilzila tarmoqlari markazi mahalliy vaqt bilan soat 09:05 da 10 km chuqurlikda 6,8 balli zilzilani qayd etgan.

AQSh Geologiya xizmati esa zilzila kuchini 7,1 magnituda deb baholagan.

So‘nggi ma’lumotlarga ko‘ra, zilzila qurbonlari soni 100 kishidan oshgan, turli darajadagi tan jarohatlari olganlar soni esa 130 kishini tashkil qildi va ularning ahvoli og‘ir deb baholanmoqda..

Xitoyning janubi-g‘arbiy qismlarida tez-tez zilzila kuzatiladi. 2008 yilda Sichuan provinsiyasida sodir bo‘lgan kuchli zilzila oqibatida 70 mingga yaqin kishi halok bo‘lgan edi.