Tibbiyotda tub burilish: Alsgeymerni 92% aniqlaydigan qon testi ixtiro qilindi

Alsgeymer kasalligini 92 foiz aniqlash imkoni yaratildi.

Sent-Luisdagi Vashington universitetida innovasion texnologiya yaratildi – qon tekshiruvi nafaqat Alsgeymerni aniqlash, balki kasallikning joriy bosqichini ham yuqori aniqlik bilan belgilash imkonini beradi.

Tadqiqotda tasvirlangan tashhis testi asab hujayrasida muhim ish bajaradigan tau oqsili bo‘lagi – MTBR-243 peptid aralashuvini aniqlashga asoslangan. Shikastlangan molekula Alsgeymerning asosiy xususiyati ekani ma’lum. Olimlar ilgari miya omurilik suyuqligidagi MTBR-243 darajasi va kasallik rivojlanishi o‘rtasidagi bog‘liqlikni aniqladilar. Yangi ishlanma ushbu peptidning qondagi konsentrasiyasini o‘lchash imkonini beradi. Bu tashxis qo‘yishni sezilarli darajada soddalashtiradi, ehtimoliy xavfni yo‘qotadi, jarayondan foydalanish imkoniyatini oshiradi.

Xastalikning turli bosqichlarini boshidan kechirayotgan 163 nafar bemor ishtirok etgan sinov kashfiyotning yuqori aniqligini tasdiqladi. Qonda MTBR-243 aralashuvi kasallik rivojlanishi bilan tezlashadi. Natijada standart daraja taxminan 200 barobar yuqori bo‘ladi. Ushbu ma’lumotni tahlil qilish orqali Alsgeymerning bosqichini 92 foiz aniqlikda belgilash mumkin.

Bu yangilik tashxis jarayonini osonlashtirib, xarajatni sezilarli darajada kamaytiradi. Shifokorlarga kasallikni dastlabki bosqichlardayoq samarali davo usullarini tanlashga yordam beradi.