Texasdagi suv toshqini qurbonlari soni 109 kishiga yetdi

Texas shtatida suv toshqinlari oqibatida kamida 109 kishi halok bo‘ldi, 160 ga yaqin kishi bedarak yo‘qolgan. Bu haqda Texas gubernatori Greg Ebbot ma’lum qildi. "Jami 109 kishi halok bo‘ldi" - dedi u Amerika telekanallari tomonidan efirga uzatilgan matbuot anjumanida. Kamida 161 kishi bedarak yo‘qolganlar ro‘yxatida, deya qo‘shimcha qildi gubernator. Ular orasida yozgi oromgohning besh nafar farzandi va bir nafar xodim ham bor. "Ushbu ro‘yxat ko‘payishi mumkin", deb ogohlantirdi Abbott. AQSh prezidenti Donald Tramp 11 iyul kuni suv toshqinidan jabr ko‘rgan shtatga borish rejasini ma’lum qildi. 6 iyul kuni u Kerr okrugida favqulodda holat e’lon qildi. Trampning qayd etishicha, federal hokimiyat mahalliy xizmatlarga suv toshqini oqibatlarini bartaraf etishda yordam bermoqda.