Eron tashqi ishlar vaziri Abbos Arag‘chi 12 aprel kuni Ummonda AQSh prezidentining maxsus vakili Stiven Uitkoff bilan bilvosita muzokaralar chog‘ida Tehron hech qanday sharoitda yadroviy dasturini qisqartirishga rozi bo‘lmasligini aytdi. Bu haqda The Tehran Times gazetasi o‘ziga olingan ma’lumotlarga tayanib xabar berdi.
Nashrning yozishicha, bilvosita uchrashuv chog‘ida Arag‘chi Eron barcha tomonlar manfaat ko‘radigan bitim tuzmoqchi ekanligini ta’kidlagan. Shu bilan birga, u Tehron "hech qanday sharoitda yadroviy dasturini bekor qilishga rozi bo‘lmasligini" ta’kidladi. Shu bilan birga, Arag‘chi "mamlakat o‘z yadroviy faoliyatini harbiylashtirishga qarshi kafolatlar berishga tayyor bo‘lishini" aytdi. "Atom energiyasi bo‘yicha xalqaro agentlik (MAGATE) Eron yadroviy inshootlariga kirishga ruxsat berilgan yagona tashqi tashkilot bo‘ladi”, - dedi u. Buning evaziga Tehron bir qancha sohalarda sanksiyalar bekor qilinishini istaydi.
Arag‘chi, shuningdek, muzokaralarni davom ettirish uchun umumiy ramka kelishuviga ehtiyoj borligini aytdi. Agar AQSh Eron taklifiga e’tiroz bildirsa, Tehron ko‘rib chiqishi uchun o‘z muqobilini taqdim qilishi kerak.
The Tehran Times gazetasining xabar berishicha, bilvosita muzokaralar davomida tomonlar 10 ga yaqin yozma xabar almashgan.
Texas ko‘lida 2 metrlik mahluq qo‘lga tushdi, bu jahon rekordi bo‘lishi mumkin
Ukrainaliklar qozog‘istonlik yollanma jangchilarning nomlarini e’lon qildi. Qozog‘istonda sarosima boshlandi
Abduqodir Husanov nega maydonga tushmayotganligiga oydinlik kiritildi. Asl muammo nimada?
