Mayk Tayson va Jeyk Pol o‘rtasidagi har biri ikki daqiqadan sakkiz raundga mo‘ljallangan boks jangi professional maqomga ega jang bugun, 15 noyabr kuni AQShning Texas shtati, Arlington shahrida bo‘lib o‘tdi. Ushbu qarama-qarshilik Netflix striming platformasi orqali translyasiya qilindi.
8 raund davom etgan jangda bloger-bokschi Jeyk Pol to‘liq ustunlik qildi va afsonaviy bokschi ustidan g‘alaba qozondi. 58 yoshli Tayson jang davomida ko‘proq himoyalandi va faol zarbalarni amalga oshirmadi.
Shunday qilib Tayson faoliyatidagi 7-mag‘lubiyatini qabul qilib oldi. Jeyk Pol esa o‘zining 11-g‘alabasini qo‘lga kiritdi.
Shu yilning iyul oyida 27 yoshli Jeyk Pol sobiq UFC jangchisi Mayk Perrini oltinchi raundda nokautga uchratib, professional ringdagi o‘ninchi g‘alabasini qo‘lga kiritgan edi.
58 yoshli Mayk Tayson o‘n besh yillik tanaffusdan so‘ng 2020 yilning noyabr oyida 54 yoshli kichik Roy Jonsga qarshi ko‘rgazmali boks jangini o‘tkazib, durang qayd etgandi.
«O‘zingizni bosing, do‘stim»: Xabib Nurmagomedov «Manchester Yunayted» afsonasini ogohlantirdi
Mayk Tayson jang oldidan raqibiga tarsaki tushirdi
«Real»da Ramosning qaytishiga kimlar qarshi chiqqani ma’lum bo‘ldi
