Prezident qarori bilan 2023/2024-o‘quv yilidan boshlab talabaning ta’lim yo‘nalishiga mos startap loyihasi hamda rasionalizatorlik g‘oyasini bitiruv malakaviy ishi va magistrlik dissertasiyasi sifatida himoya qilish amaliyoti joriy etiladi.
Qayd etilishicha, hujjatga muvofiq agar talabada biror startap yoki rasionalizatorlik g‘oyasi bo‘lsa, unga yana qayta diplom ishi yozish talabi qo‘yilmaydi.
Ma’lumot uchun, startap — endigina boshlanayotgan, ishga tushirilayotgan innovasion loyiha demakdir. Rasionalizatorlik g‘oyasi — texnika vositalari, ishlab chiqarish texnologiyasi, mashina detallari, tayyor mahsulot va boshqalarni takomillashtirishga doir yangi texnik yechim va taklif.
