Tailand va Kamboja o‘t ochishni to‘xtatishga kelishib oldi

Tailand va Kamboja delegasiyalari Malayziyaning Kuala-Lumpur shahrida o‘tkazilgan muzokaralarda darhol va shartsiz o‘t ochishni to‘xtatish bo‘yicha kelishuvga erishdi. Bu haqda Malayziya Bosh vaziri Anvar Ibrohim ma’lum qildi.

🗣 «Kamboja va Tailand quyidagilar yuzasidan umumiy tushunuvga erishdi: birinchidan, darhol va shartsiz o‘t ochishni to‘xtatish, bu 2025 yil 28 iyul soat 00:00 da, ya’ni shu kechasi mahalliy vaqt bilan kuchga kiradi», — dedi Anvar Ibrohim.

Uning so‘zlariga ko‘ra, o‘t ochishni to‘xtatish rejimi kuchga kirganidan keyingi kuni har ikki mamlakatning harbiy vakillari «norasmiy uchrashuv» o‘tkazadi.

❕ 24 iyul kuni ikki davlat chegarasidagi nazorat qilinmagan hududlarda qurolli to‘qnashuvlar yuz berdi. Har ikki tomon ham qurbonlar va yaralanganlar, jumladan fuqarolar orasida ham, borligini ma’lum qildi.