Tailand Tramp vositachiligida Kambodja bilan imzolangan tinchlik kelishuvini to‘xtatdi

Tailand Tramp vositachiligida Kambodja bilan imzolangan tinchlik kelishuvini to‘xtatdi, bunga harbiylarning mina portlashiga uchrashi sabab bo‘ldi.

Ommaviy axborot vositalarining xabar berishicha, 10 noyabr kuni Tailandning Si Sa Ket provinsiyasida, chegara hududida ikki nafar tay harbiysi mina portlashi natijasida jarohat olgan. Hodisadan so‘ng Bangkok sakkiz nafar kambodjalik harbiyni ozod qilish jarayonini to‘xtatgan.

Tailand bosh vaziri Anutin Charnvirakulning so‘zlariga ko‘ra, portlash mamlakat milliy xavfsizligiga tahdid hali ham mavjudligini ko‘rsatgan.

Kambodja hukumati esa Tailand bilan tinchlik kelishuvini saqlab qolish uchun hamkorlikka tayyorligini bildirdi.