Surxondaryoda keksa ayol o‘z uyida o‘ldirib ketildi

Surxondaryo viloyati Denov tumanida 71 yoshli ayol o‘z uyida o‘ldirib ketildi. Bu haqda Bosh prokuratura xabar berdi.

Ma’lum qilinishicha, 1 iyul kuni soat 09:40 larda Denov tumani “Buyuk kelajak” mahallasida yashovchi G.Umbarovani yashash uyida u bilan vaqtinchalik yashab kelayotgan nevarasi uyg‘otmoqchi bo‘lib kirganida, momosi G.U. (1954 yilda tug‘ilgan)ning jasadi bosh qismida tan jarohatlari bilan topilgan.

Mazkur holat yuzasidan Jinoyat kodeksining 97-moddasi 1-qismi bilan jinoyat ishi qo‘zg‘atilib, uni fosh etish choralari ko‘rilmoqda. Hozirda tergov harakatlari tuman prokuraturasi tomonidan olib borilmoqda.