So‘rov: Grenlandiya aholisining aksariyati AQShga qo‘shilishni yoqladi

Amerikaning Patriot Polling tashkiloti tomonidan o‘tkazilgan so‘rov natijalariga ko‘ra, Grenlandiyada respondentlarning aksariyati AQShga qo‘shilishni yoqlaydi.

So‘rovda 416 kishi ishtirok etdi. 2024 yil yanvar holatiga ko‘ra, orol aholisi 56 669 kishini tashkil etdi.

Respondentlarning 57,3 foizi Grenlandiyaning AQShga qo‘shilishi uchun ovoz bergan bo‘lsa, 37,4 foizi qarshi ovoz bergan. Ularning 5,3 foizi javob berishdan bosh tortgan. Bu so‘rov AQShdan tashqarida birinchi marta o‘tkazildi. Patriot Polling reyting agentliklari tomonidan 249-o‘rinni egallab, 3 balldan 1,1 ballga ega. U so‘rovlarning uslubiy shaffofligi asosida tuzilgan.

Orolni anneksiya qilish masalasi AQShning bo‘lajak prezidenti Donald Tramp ushbu hududni qo‘lga kiritish rejasini e’lon qilganidan keyin ayniqsa dolzarb bo‘lib qoldi. U Grenlandiyani qo‘shib olishni "mutlaq zarurat" deb atadi.