Suriyadagi portlash natijasida halok bo‘lganlar soni ortib bormoqda

Suriyaning Idlib viloyatidagi Maarat Misrin aholi punkti yaqinidagi omborxonada yuz bergan portlash oqibatida 7 kishi halok bo‘ldi, 100 ga yaqin kishi jarohatlandi.

Bu haqda Idlib sog‘liqni saqlash departamenti direktori Samer Arabi ma’lum qildi.

Uning so‘zlariga ko‘ra, portlash chodirli lagerlarga ta’sir ko‘rsatgan, bu esa ko‘p sonli qurbonlarga olib kelgan.

Fuqaro mudofaasi xizmatining ta’kidlashicha, portlash oqibatida tikuv fabrikasida ishlayotgan olti nafar texnik mutaxassis jarohatlangan. Portlash sabablari o‘rganilmoqda.