Bashar al-Assad matbuot xizmatining sobiq rahbari Kamel Sakr Saudiyaning “Mazeej” podkastiga bergan intervyusida Suriya diktatori rejimi qulashi oldidan sodir bo‘lgan voqealar haqida gapirdi. “Hayat Tahrir ash-Sham” isyonchilari 2024 yil noyabri oxirida hujum boshlaganidan so‘ng, Asad Vladimir Putindan harbiy yordam so‘rash uchun Rossiyaga uchib ketdi.
Sakrning da’vo qilishicha, Asad Moskvaga yetib borgach, Rossiya rahbari bilan uchrashish uchun ikki kun kutgan. Nihoyat uchrashuv bo‘lib o‘tganida, u bor-yo‘g‘i bir soat davom etdi - Putin, sobiq matbuot kotibining so‘zlariga ko‘ra, suhbat haqida ommaviy bayonotlardan qochib, Suriyada sodir bo‘layotgan voqealardan uzoqlashish istagini namoyish qildi. Asadning Erondan harbiy yordam so‘rashiga hech qanday javob bo‘lmadi.
8 dekabrda Nihoyat Asad mamlakatni tark etdi va isyonchilar Damashqni egallab, diktatorning qariyb 20 yillik hukmronligiga chek qo‘ydi. Sakrning so‘zlariga ko‘ra, qochib ketishidan bir necha kun oldin Putin Asadning qo‘ng‘iroqlariga javob berishni to‘xtatgan va bu oxir-oqibat uni Rossiya unga yordam bermasligiga ishontirgan.
Asadning asosiy ittifoqchisi sanalgan Eron ham uni qo‘llab-quvvatlashdan bosh tortdi. Eron tashqi ishlar vazirining 1 dekabr kuni tashrifiga qaramay, harbiy yordam yetib kelmadi va Eron kuchlari rejim qulashidan bir necha oy oldin Suriyadan qo‘shinlarini olib chiqishni boshladi.
Rossiyada o‘lganlar soni rekordmi?
Marca nashrida Abduqodir Husanov haqida maqola chop etildi
“Manchester Siti” Abduqodir Husanov uchun qancha pul to‘lashi aytildi
