Marca nashrida Abduqodir Husanov haqida maqola chop etildi

Evropaning taniqli Marca nashrida hamyurtimiz Abduqodir Husanov haqida maqola chop etildi.

Maqolada hamyurtimiz Fransiya chempionatining asosiy kashfiyotlaridan biri sifatida e’tirof etilgan.

"Bir yarim yil ichida Abduqodir Husanov Belarus chempionatida o‘ynab, qishki mavsumda "Manchester Siti" himoyasini kuchaytirish haqida gapirilayotgan nomlardan biriga aylandi", deyiladi maqolada.

Shuningdek, hamyurtimizning ikkinchi qavatda yuqori darajada o‘yin namoyish etishi alohida e’tirof etilgan.

"O‘zbekistonning JCH-2026 sari muvaffaqiyatli odimida Abduqodir Husanov kalit vazifasini o‘tamoqda. U "Lans"da himoyachi Kevin Dansoning o‘rnini mukammal egalladi. U hozir juda mashhur bo‘lgan "Chill amaki" ta’rifiga mos keladi. Murabbiyi Uill Still uni uyatchan inson sifatida ta’riflaydi", deb yozadi nashr.

"Marca"ning yozishicha, kiyinish xonasida uni "Qodir" deb chaqirishadi. O‘zbekiston terma jamoasida ham o‘ynagan otasining izidan boradi.