Suriya va Saudiya Arabistoni o‘rtasida qator hamkorlik bitimlari imzolandi

Suriya va Saudiya Arabistoni aviasiya, infratuzilma, suv ta’minoti, ta’lim va aloqa sohalarida hamkorlik to‘g‘risida qator kelishuvlarni imzoladi.

Damashq shahrida bo‘lib o‘tgan imzolash marosimida Suriya prezidenti Ahmad ash-Sharaa, Saudiya investisiyalar vaziri Xolid al-Folih, aloqa vaziri Abdulla as-Savaha, shuningdek, saudiyalik kompaniyalar va suriyalik hamkorlar ishtirok etdi.

Suriya investisiya delegasiyasi rahbari Tala al-Xilaliyning ta’kidlashicha, imzolangan bitimlar fuqarolarning kundalik hayotiga bevosita ta’sir ko‘rsatib, iqtisodiy faollikni oshirishga xizmat qiladi.