Eron AQShning ayrim shartlarini rad etdi

Eron Ummonning Maskat shahrida Qo‘shma Shtatlar bilan bo‘lib o‘tgan muzokaralarning hozirgi bosqichida uranni "nol" darajada boyitish talabini rad etdi.

Bu haqda Eronning Mehr axborot agentligi xabar berdi.

Tomonlar mavjud uran zaxiralarini boyitish darajasini pasaytirishga e’tibor qaratishdi.

Muzokaralardagi muhit ikki tomon o‘rtasidagi avvalgi muloqot bosqichlariga qaraganda "jiddiyroq" bo‘lgani aytildi.

Eron delegasiyasiga Eron tashqi ishlar vaziri Abbos Aragchi, Amerika delegasiyasiga esa AQSh prezidentining maxsus elchisi Stiven Uitkoff boshchilik qildi.