Suriya SWIFT tizimiga to‘liq ulanadi

Suriya o‘n yildan ortiq davom etgan sanksiyalardan so‘ng “bir necha hafta ichida” xalqaro SWIFT tizimiga to‘liq ulanadi , dedi mamlakat markaziy banki rahbari.

SWIFT 'ning qaytarilishi tashqi savdoni rag‘batlantirish, import xarajatlarini kamaytirish va eksportni osonlashtirishga yordam beradi, dedi u. Shuningdek, bu mamlakatga valyuta olib kirish, pul yuvishga qarshi kurashni kuchaytirish va transchegaraviy savdoning norasmiy moliyaviy tarmoqlarga qaramligini kamaytirish imkonini beradi.

The National nashrining xabar berishicha, Suriya olti oy ichida taxminan 16 milliard dollar sarmoya va yordam jalb qilgan . Eng yirik sarmoyadorlar Turkiya, Qatar, Yevropa Ittifoqi, AQSh va BAAdir.

Jahon banki hisob-kitoblariga ko‘ra, Suriya iqtisodiyotini tiklash uchun 400 milliard dollar kerak . O‘tish davri iqtisodiyot vaziri Nidal al-Shaarning fikricha , real xarajatlar 1 trillion dollarga yetishi mumkin .