Suriya barcha davlatlar bilan munosabatlarni yaxshilash niyatida

Suriya Arab Respublikasi Prezidenti Ahmad al-Sharaa Suriya xalqining maqsadi avvalgi jinoiy tuzumdan farqli ravishda adolatli va olijanob ekanligini tasdiqladi.

Bu haqda u Nyu-Yorkdagi BMT Bosh Assambleyasining 80-sessiyasidagi Konkordiya sammitidagi chiqishi chog‘ida ma’lum qildi.

Al-Sharaaning ta’kidlashicha, hozirgi ustuvor vazifa Suriya xalqi va hududini birlashtirish orqali Suriyada xavfsizlik va barqarorlikni saqlash hamda iqtisodiy taraqqiyotga ko‘maklashishdir.

"Suriya barcha davlatlar bilan barqaror munosabatlarni saqlash siyosatiga amal qiladi va hech kimga tahdid manbai emas. Biz qurilish jarayonidamiz va barcha davlatlar bilan normal munosabatlarni saqlab qolish juda muhim", - deya ta’kidladi Suriya rahbari.

Uning qo‘shimcha qilishicha, Isroil bir necha bor Suriyaga hujum qilgan, Golan tepaliklarini bosib olishda davom etmoqda va mamlakat chegaralarini buzmoqda. "Ammo rasmiy Damashq urushdan qochishga intilmoqda, chunki u qurilish bosqichida va mamlakat iqtisodiy rivojlanishi rahbariyatning ustuvor vazifasi", - deya ta’kidladi Ahmad al-Shara.