Xalqaro Migrasiya Tashkiloti (XMT) ma’lumotlariga ko‘ra, 26 oktyabrdan 4 noyabrgacha Sudanning g‘arbidagi Shimoliy Darfur viloyati markazi — El-Fasher shahrida 81 mingdan ziyod kishi o‘z uyini tark etgan.
Tashkilot bayonotida shunday deyilgan:
“26 oktyabrdan 4 noyabrgacha El-Fasher shahri va atrof hududlaridan 81 817 kishi ko‘chirildi”.
Ma’lumotlarga ko‘ra, bu raqamlar dastlabki hisob-kitoblarga asoslangan bo‘lib, hududdagi beqarorlik va aholi harakati dinamikasi sabab o‘zgarishi mumkin.
XMTning qayd etishicha, dala guruhlari “yo‘llarda xavf darajasi yuqoriligicha qolmoqda”, bu esa odamlarning erkin harakatlanishini keskin cheklamoqda. Umumiy vaziyat “tarang va oldindan bashorat qilib bo‘lmaydigan” deb baholangan.
2023 yil 15 apreldan beri mamlakatda Sudan armiyasi bilan Tezkor Harakat Kuchlari (RRF) o‘rtasida keskin to‘qnashuvlar davom etmoqda.
Oxirgi ma’lumotlarga ko‘ra, g‘arbiy Darfurning eng yirik shahri El-Fasher RRF nazoratiga o‘tgan.
Shahardan o‘n minglab odamlar qochgani, tarqalgan videolarda esa tinch aholiga nisbatan majburiy ko‘chirish, qiynoq va qotilliklar holatlari qayd etilgani xabar qilinmoqda.
2026 yilda oylik, stipendiya, pensiya va nafaqalar oshiriladi
Guliston shahridagi ovqatlanish shoxobchasida portlash ro‘y berdi (video)
Eronda 61 mln tonnalik oltin zaxirasi topildi
