Sudandagi o‘n minglab qochqinlar shoshilinch yordamga muhtoj

Sudanda Tezkor harakat kuchlari (RRF) ishtirokidagi hujumlar va janglar sababli uy-joyini tark etgan o‘n minglab odamlar Debbe va Ubayd shaharlarida boshpana topdi.

Sudan Insonparvarlik yordami komissiyasi rahbari Selva Ademning aytishicha, ko‘chirilgan aholi shoshilinch insonparvarlik yordamiga muhtoj.

Adem Port Sudandagi idorasida Turkiya Tabiiy ofatlarni boshqarish boshqarmasi (AFAD) raisi o‘rinbosari Hamza Tashdelen va Turkiyaning Xartumdagi elchisi Fatix Yildiz bilan uchrashganini ma’lum qildi.

U Turkiya davlati, uning muassasalari va nodavlat tashkilotlariga Sudan xalqiga og‘ir damlarda ko‘rsatgan yordamlari uchun minnatdorchilik bildirdi.

“Eng qiyin damlarimizda yordamga kelgan Turkiya va uning tashkilotlariga chuqur minnatdorchilik bildiraman,” — dedi Adem.