Nega Tramp Eronga qarshi urush uchun aynan 4 hafta muddat belgiladi?

Kecha Tramp Erondagi harbiy operasiya «to‘rt hafta yoki undan kam» davom etishini aytdi.

To‘rt haftalik muddat, ehtimol, bejiz tanlanmagan.

Aynan mart oyining oxirida (ya’ni Isroil va AQSh Eronga hujum boshlanganidan to‘rt hafta o‘tgach) Trampning Xitoyga tashrifi boshlanadi.

Ko‘rinib turibdiki, Amerika prezidenti Pekinga «oq ot mingan» holda, ya’ni Eron urushidan g‘alaba qozongan holda, bu mamlakatni amerikaliklar nazorati ostiga olgan yetakchi sifatida kirib borishni rejalashtirmoqda. Shu orqali u Xitoyga uning zaif joylarini ko‘rsatmoqchi — Shtatlar KXR uchun muhim bo‘lgan, Pekinni energiya resurslari bilan ta’minlaydigan hamkor davlatlarda hokimiyatni kuch ishlatib almashtira olishini namoyish etmoqchi (avval Venesuela, keyin Eron).

Shunga muvofiq, Erondagi g‘alaba Tramp rejasiga ko‘ra, uning Xitoy bilan muzokaralardagi pozisiyasini sezilarli darajada mustahkamlashi kerak.

Aynan shu sababli Xitoy uchun AQSh muvaffaqiyat qozonmasligi juda manfaatli. Bunday holatda Tramp uchrashuvga «qulab tushgan uchuvchi» sifatida bo‘lmasa-da, kamida «qalqonida teshik bor uchuvchi» sifatida boradi. Bu esa Si Szinpin pozisiyalarini kuchaytiradi.

Ammo Xitoy AQShning Erondagi harbiy operasiyasi muvaffaqiyatsizlikka uchrashi yoki kamida cho‘zilib ketishini ta’minlash uchun amaliy choralar ko‘radimi — bu hozircha ochiq masala.