Sud “Digital University” MCHJ lisenziyasini tikladi

Apellyasiya sudi birinchi instansiya qarorini bekor qildi.

2024 yil 10 oktyabr kuni Toshkent tumanlararo iqtisodiy sudi qarori bilan “Digital University” MCHJga berilgan ta’lim faoliyati lisenziyasi bekor qilingan edi.

Shundan so‘ng, “Digital University” MCHJ mazkur qaror ustidan apellyasiya shikoyati bilan murojaat qildi.

Ish Toshkent shahar sudida ko‘rib chiqildi va sud MCHJ foydasiga qaror chiqardi.

Sudning yangi qaroriga ko‘ra, birinchi instansiya sudi chiqargan qaror bekor qilindi va “Digital University” MCHJ ta’lim faoliyatini amalga oshirish huquqini saqlab qoldi.