Sport zalidagi fojea: Las-Vegasda otishma qurboni bo‘lganlar orasida hujum qilgan shaxs ham bor

Kamida ikki kishi, jumladan hujumchi halok bo‘ldi, yana uch kishi Nevada shtatining Las-Vegas shahridagi sport zalida otishma natijasida yaralandi.

Bu haqda huquq-tartibot idoralariga tayanib, Associated Press xabar bermoqda.

Las-Vegas polisiyasi kapitani Esmeralda Boveda aniqlik kiritishicha, huquq-tartibot idoralari xodimlari voqea joyiga yetib borgan va sport zali eshigi oldida o‘qotar qurol bilan turgan erkakni topgan. Mergan binodan yugurib chiqqan, polisiya xodimlari unga qarata o‘q uzgan, shundan so‘ng qo‘lga olingan.

"Tibbiyot xodimlari kelib, gumonlanuvchini kasalxonaga olib ketishdi va u yerda vafot etdi. Voqea joyida bino ichidan otishma qurbonining jasadi ham topilgan. Uch nafar jabrlanuvchi kasalxonaga yotqizildi, ulardan birining ahvoli og‘ir edi," - dedi Boveda.

Voqea tafsilotlari aniqlashtirilmoqda.