Sirdaryo prokurorining katta yordamchisi kuchli ta’sir qiluvchi dori bilan ushlandi

DXX ma’lumotiga ko‘ra, Toshkent viloyati Zangiota tumanida o‘tkazilgan tezkor tadbirda viloyati prokurorining katta yordamchisi tekshirilganda uning mashinasida 50 dona “Zardeks” dori vositasi topilgan.

Shundan so‘ng, unga ushbu dorilarni sotgan Samarqand viloyati Bulung‘ur tumanida yashovchi 1997 yilda tug‘ilgan shaxs Toshkentda qo‘lga olingan. Undan 300 dona “Zardeks” ashyoviy dalil sifatida olingan.

Hozirda holat bo‘yicha tergovga qadar tekshiruv harakatlari davom etmoqda.