Shveysariya Ukraina uchun 2036 yilgacha mo‘ljallangan byudjetni tasdiqladi

Shveysariya Ukrainani qayta tiklash uchun 2036 yilgacha yana 5 milliard frank ajratishni rejalashtirmoqda. Bu haqda mamlakat Iqtisodiyot bo‘yicha kotibiyati bayonotiga tayanib, RTS teleradiokompaniyasi xabar berdi.

«Shveysariya Ukrainani qo‘llab-quvvatlashda muhim rol o‘ynashda davom etish niyatida», — deyiladi rasmiy hujjatda.

Bayonotga ko‘ra, Shveysariya hukumati mamlakatni qayta tiklash bo‘yicha uzoq muddatli majburiyatlarni o‘z zimmasiga olishga qaror qilgan va 2025 yildan 2036 yilgacha bo‘lgan davrda ushbu maqsadlar uchun 5 milliard frank yo‘naltiradi.

Mablag‘larni ajratish bosqichma-bosqich amalga oshiriladi:

• 2028 yilgacha: 1,5 milliard frank ajratish rejalashtirilgan. Shundan 342,25 million franki aynan joriy yilning o‘zidayoq o‘tkazib beriladi.

• 2029–2036 yillar: Federal kengash qolgan 3,5 milliard frankni to‘lash uchun qo‘shimcha moliyalashtirish manbalarini topishni maqsad qilgan.