Er yuzidagi sovuqlik rekordi qayd etildi

"Vostok" stansiyasidagi olimlar 15 fevral sanasi uchun Yer yuzasidagi eng past haroratni qayd etishdi.

RF Gidrometeomarkazining ma’lum qilishicha, o‘tgan sutka davomida Yer yuzidagi eng past harorat Rossiyaning Antarktidadagi "Vostok" stansiyasida ishlayotgan olimlar tomonidan qayd etilgan.

"O‘tgan sutka ichida Yer yuzidagi eng past havo harorati Antarktidadagi Rossiyaning 'Vostok' stansiyasida qayd etildi — minus 55,8 daraja", — deya ta’kidladi mutaxassislar.

Aynan shu "Vostok" stansiyasida 1983 yil 21 iyulda Yer sayyorasidagi mutlaq past harorat rekordi o‘rnatilgan edi. O‘shanda maxsus termometr minus 89,2 darajani ko‘rsatgan.