Shveysariya Davlatlar kengashi qurol reeksportiga qo‘yilgan taqiqni olib tashlashni qo‘llab-quvvatlaydi

Shveysariya qurol reeksportiga qo‘yilgan taqiqni olib tashlashni qo‘llab-quvvatlaydi
Shveysariya Davlatlar kengashi (parlamentning kichik palatasi) harbiy mojaro zonalariga qurol-yarog‘larni reeksport qilish taqiqini bekor qilish taklifini qo‘llab-quvvatladi.

Bu haqda mamlakat parlamenti saytidagi xabarda aytilgan.

Endi bu masala bo‘yicha Milliy kengash (parlamentning yirik palatasi) deputatlari ovoz berishi kerak.

Ushbu qarorga ko‘ra, NATO mamlakatlariga qurol-yarog‘ eksport qilishga "prinsip jihatdan ruxsat etiladi", favqulodda holatlar va "Shveysariyaning tashqi siyosati yoki siyosiy manfaatlariga zid keladigan" hollar bundan mustasno.

Bundan tashqari, ittifoq mamlakatlari "qabul qilingan harbiy texnikani Shveysariyaning roziligisiz boshqa davlatlarga o‘tkazishi mumkin". Qayd etilishicha, kengashning 31 nafar deputati “Harbiy materiallar bilan ta’minlash to‘g‘risida”gi qonunga tegishli o‘zgartirishlar kiritish uchun ovoz bergan, 11 nafari qarshi, bir nafari betaraf bo‘lgan.

Neue Zürcher Zeitung gazetasining yozishicha, bu Shveysariyada ishlab chiqarilgan qurol-yarog‘lar eksportiga qo‘yilgan cheklovlarning “NATOga hujum qilingan taqdirda” olib tashlanishi haqida ketmoqda. Yengillik 25 ta davlatga, asosan Yevropaga, shuningdek, AQSh va Yangi Zelandiyaga ta’sir qiladi. Gazetaning ta’kidlashicha, qonunchilik Shveysariya harbiy-sanoat kompleksi faoliyatini davom ettirish imkoniyatini ta’minlash uchun o‘zgartirilmoqda.