Shvesiyada o‘q-dorilarni olib ketayotgan poyezd relsdan chiqib ketdi

Shvesiyaning Vesternorrland shimolida kuchli yomg‘ir tufayli o‘q-dorilarni olib ketayotgan poyezd relsdan chiqib ketdi, deb xabar beradi BELTA agentligi.

“Ernsheldsvik yaqinida bir nechta vagonlar yo‘l bo‘ylab yotibdi. Shvesiya transport boshqarmasi ma’lumotlariga ko‘ra, yo‘nalishni tiklash uchun bir necha hafta kerak bo‘ladi”, — deyiladi SVT maqolasida.

Shvesiya transport boshqarmasi matbuot kotibi Peter Yonsson vagonlarda o‘q-dorilar va litiy batareyalar borligini tasdiqladi.

Manbaga ko‘ra, xavfli materiallar favqulodda vaziyatlarni bartaraf etish xizmatlariga topshiriladi, shundan so‘ng mutaxassislar tozalab, yetkazilgan zararni har tomonlama baholaydi.